Петропавлдық “Қызылжар” футбол командасына бас бапкер болып молдовалық маман Вячеслав Руснак тағайындалды.
Вячеслав Руснак 1975 жылы Молдованың Бельцы қаласында туған. Спорттық мансабын 1992 жылы жергілікті “Олимпия” командасында бастаған. 2004-2010 жылдары Қарағандының “Шахтер” командасының намысын қорғады. 2011 жылдан бері бапкерлікпен айналысып келеді. Соңғы қызмет еткен орны – Молдованың “Милсами” командасы. Аталмыш клуб 2017 жылы өз елінде күміс жүлдегер атанды. Сондай-ақ, “Қызылжар” командасының бапкерлер құрамына Юрий Чухлеба, Андрей Мацюра, Александр Петухов және Александр Кучма кірді. Команда былтыр бірінші лигада сынға түсіп, турнирдің жеңімпазы атанған болатын. Соның нәтижесінде биыл Премьер-лигада бақ сынауға мүмкіндік алды. Ал команданы осындай жетістікке жеткізген Әли Әлиев бас бапкерлік қызметінен босатылды.