Петропавлда Ішкі істер министрлігі қоғамдық кеңесінің көшпелі отырысы өтуде.
Алғаш рет қолға алынған шараның диалог алаңы ретінде Солтүстік Қазақстан облыстық полиция департаментінің таңдалуы кездейсоқ емес. Өйткені, ведомство жанындағы консультативтік-кеңестік орган белсенді жұмыс атқаруда. Жиын барысында Елордадан келген меймандар солтүстікқазақстандық тәртіп сақшыларының жұмысын ұйымдастырудағы заманауи әдіс-тәсілдермен танысуда.
Департамент бастығы, полиция генерал-майоры Берік Біләловтың айтуынша, қазіргі таңда өңірімізде 16 фронт-офис жұмыс істейді. Сондай-ақ, жыл басынан бері 1204 бейнекамераның көмегімен 272 қылмыс ашылып, 3762 әкімшілік құқық бұзушылық анықталған. Электрондық форматта 367 қылмыстық іс аяқталып, 2 мыңға жуық әкімшілік хаттама толтырылған.
Бұл туралы толығырақ газетіміздің келесі нөмірінен оқи аласыздар.