Бұл сұраққа Білім және ғылым министрі Асхат Аймағамбетов Орталық коммуникациялар қызметінде онлайн өткен брифингте жауап берді.
“Биыл айтарлықтай өзгерістер жоқ, қазіргі уақытта бұл жұмыс жүріп жатыр. Биылғы жылы тестілеу өткізіледі, ол тамыз айында болады. ILTS бойынша және ағылшын тілін игеру бойынша талаптарды күшейттік”, – деді министр.
15 маусымнан 15 шілдеге дейін магистратураға түсуге арналған кешенді тестілеуге қатысу үшін өтініштерді қабылдау жүргізіледі.
Тестілеу электронды форматта 1 – 15 тамыз аралығында өткізіледі.
Магистратура бойынша білім беру грантын тағайындау конкурсына қатысу үшін өтініштер 16 – 20 тамыз аралығында қабылданады. 3 шілдеден 3 тамызға дейін докторантураға түсуге өтініштерді қабылдау жүргізіледі.
Докторантураға түсу емтихандары 4 – 20 тамыз аралығында өткізіледі.
https://egemen.kz/