Мамлют ауданының диқандары орақ науқанын бір-екі күнде аяқтамақ. Аталған ауданның ауыл шаруашылығы бөлімінің басшысы Василий Лисичкиннің айтуынша, үстіміздегі жылы жергілікті диқандар 117 мың гектар алқапқа бидай және 32 мың гектар жерге майлы дақылдар еккен. Бүгінде оның 82 пайызы орылыпты.
Маңызды науқанды межелі уақытта аяқтағалы отырған құрылымдардың бірі – “Брендун” коммандиттік серіктестігі иелігіндегі 3 мың гектар жерге ырыс дәнін еккен екен. Бүгінде жайқалып өскен егіннің тек 200 гектарына комбайнның ізі түспепті.
Мағжан АХМАДИНА.