Менің отбасым газетті үзбей оқиды. Облысымызда шығатын “Солтүстік Қазақстан” газетіне жазылады. Әжемнің айтуынша, бұл газет бұрын “Ленин туы” деп аталған. Газеттегі мақалалар әр-түрлі саланы қамтыған. Осы газетті “Солтүстік өңірдің жаршысы” дейді. Өйткені, басылым облыстың түкпір-түкпіріне маңызды жаңалықтарды жеткізеді. Одан саясат, білім, спорт, денсаулық, төтенше жағдайлар мен ауа райы туралы оқуға болады. Бұл газетте маған ұнайтыны – балаларға арналған бет. Мен одан балалардың жетістіктері туралы ақпаратпен, қызықты оқиғаларды, ертегілерді оқимын. Мен өскенде осы газеттің тұрақты оқырманы болғым келеді.
Темірлан ЕРЕЖЕП,
қалалық классикалық
гимназияның 2-сынып
оқушысы.