Кеше кешке Петропавл қаласындағы Нұрсұлтан Назарбаев көшесінде болған жол-көлік оқиғасында 40 жастағы азамат қаза тапты.
№7 орта мектеп жанындағы шағын көшеден басты жолға шықпақшы болған “Opel Frontera” автокөлігінің жүргізушісі “Honda CBR” мотоциклін өткізбей, екі көлік соқтығысқан. Екі аяқты көліктің жүргізуші – 1979 жылы туған Қызылжар ауданының тұрғыны алған жарақаттарынан оқиға орнында көз жұмды.
Жол-көлік оқиғасына қатысты сотқа дейінгі тергеу амалдары басталды.