Қызылжарлық жеңілатлетшілер Алматыда өткен ел кубогынан олжалы оралды. Анастасия Сарамотина мен Денис Баженов жеңіс тұғырына көтерілсе, Денис Тимофеев ядро лақтыруда үздік болды. Ал Виктория Федорова (диск лақтыру) және Виктория Фролова (диск және балға лақтыру) күміс медаль иесі атанды. Сондай-ақ, бұл қос спортшы ядро лақтырудан қола медальға қол жеткізді. Тағы бір жерлесіміз Виталий Задоя диск лақтырудан үшінші болды.
Қанат АТАМАНОВ,
“Солтүстік Қазақстан”.