ОТБАСЫЛЫҚ ІС — ТАБЫС КӨЗІ

Шағын және орта кәсіпкерлік ел экономикасының басты қозғаушы күші болғандықтан, бүгінде мемлекет аталмыш саланы дамытуға басымдық беруде. Мемлекеттік бағдарламалардың арқасында ел ішінде бұл салаға бет бұрған іскер азаматтардың саны артты. Солардың бірі – Нұрлан Ахмадиев Қызылжар ауданының орталығында ағаш өңдеу цехын ашып, ісін дөңгелетіп отыр.

Шал ақын ауданындағы Бағанаты ауылында 1975 жылы дүниеге келген Нұрлан Ахмадиев – академик М.Қозыбаев атындағы СҚУ-дің түлегі. Географ-эколог мамандығын меңгерген ол 2010 жылы “Ахмадиев” жеке кәсіпкерлігін құрып, тірнектеп жинаған қаражатына Бескөл ауылында ағаш өңдеу цехын ашады.

Шал ақын ауданындағы Баға­на­ты ауылында 1975 жылы дү­ние­ге келген Нұрлан Ахмадиев – ака­демик М.Қозыбаев атындағы СҚУ-дің түлегі. Географ-эколог ма­ман­ды­ғын меңгерген ол 2010 жы­лы “Ахмадиев” жеке кәсіпкерлігін құ­рып, тірнектеп жинаған қаража­ты­на Бескөл ауылында ағаш өң­деу це­хын ашады. “Ауыл шаруа­шы­­лы­ғын қаржылай қолдау қоры” ак­цио­нерлік қоғамының об­лыстық фи­лиалына жүгініп, 3 млн. теңге­нің несиесін ресімдеп, оған ау­дан ор­талығында бос тұрған ғи­ма­рат­ты сатып алады. Қазіргі уа­қыт­та төрт қырлы бөрене, тақтай жә­не шта­кетник шығаратын цех­тың жа­нын­да кеңсе, қоймалар жә­не жұ­мыс­шыларға арналған асха­на да бар.

Біз кә­сіпкерлерді қолдау мақ­са­тын­да қолға алынған бағдар­ла­малар­дың белсенді қатысушыла­рының бі­ріміз. Бұдан он жыл бұ­рын ша­ғын ағаш өңдеу цехы ретін­де жұ­мы­сымызды сәтті бастаған бола­тынбыз. Бүгінгі қол жеткізген же­тіс­тігімізге тоқмейілсімейміз. Өзі­­міздің беделімізді түсірмей, тұ­ты­нушылардың көңілінен шығу үшін барынша тырысып келеміз, – дей­ді Нұрлан Сырымұлы.

Өзінің сүйікті кә­сібімен айна­лы­сып жатқан Нұр­лан Сырымұлы шикізатты Шал ақын ауданындағы орман шаруа­шы­лықтарынан ал­ды­руда. Жұ­мысқа қажетті екі трак­тор, “КамАЗ” көлігі, басқа да тех­ни­­касы бар. Ағаш өңдейтін цех ре­сей­лік заманауи станоктармен жабдық­талған. Новгород қаласы­нан жет­кі­зілген құрылғылар жұ­мыс­ты же­ңілдетіп, еңбек өнімділі­гін артты­руда. Нәтижесінде өнді­ріс орнын­да ай сайын кем дегенде 80-150 текше метрге дейін өнім шы­ғары­ла­ды. Ол тұтынушылар тарапы­нан сұранысқа ие. Әсіре­се, қайың­нан тілінген төрт қырлы бөренелер мен тақтайлар құры­лыс­та кең қолданылуда. Кез кел­ген тапсы­рыс­ты қабылдап, тұты­ну­шылар­дың көңілінен шығуға ты­рысып отырған кәсіпкер облыс ау­мағын­дағы барлық аудандармен бай­ланыс орнатқан.

Соңғы он жылда Бескөл ауы­лында салынған және қазір салы­нып жатқан жеке тұрғын үйлердің басым бөлігінде аталмыш цехта шығарылған бөренелер қолда­нылған екен. Бұдан бөлек, олар басқа аудандарда да бой көтерген ғимараттарға, әлеуметтік нысан­дарға пайдаланылуда. Ал ішкі жұ­мыстар үшін бұл жердегі қайың­нан тілінген тақтайларға тапсы­рыс көптеп түседі.

Ұжым алдағы уақытта ақ қа­йың­нан күрек пен айырдың сап­та­ры сияқты өнім түрлерін шығару­ды жоспарлауда. Кәсіпкердің ай­туына қарағанда, жылдық жос­пардың бір бөлігін осы мақсатқа жұмсамақшы. Ол үшін де қосым­ша станоктар керек.

– Бүгінгі бизнес өкілдерінің ал­дында тұрған міндет – отандық та­у­ар өндіру мен бәсекелестікке тө­теп беретін өнім шығару ғана емес, шикізатты мүмкіндігінше қал­дықсыз пайдалануға қол жет­кізу. Ағаш өндірісімен айналыса бастаған сәттен-ақ осыны алды­мызға мақсат етіп қойдық. Осы бағытымызға біртіндеп қол жеткі­зіп келеміз. Қазіргі уақытта цехта жергілікті 10 тұрғын тұрақты жұ­мыспен қамтылған. Олардың ор­та­ша айлық жалақысы 120 мың теңгені құрайды, – дейді Нұрлан Сырымұлы.

Бескөлдік іскер азамат қазір ко­ронавирусқа байланысты ел эко­номикасында қиындық туғаны­мен, бұл өз жұмысына кедергі кел­тірмегенін айтты. Өйткені, сапалы бұйымдарға деген сұраныс қашан да бар. Соған орай алдағы уақыт­та өндіріс ауқымын кеңейту жос­парланып отыр. Жұмысқа кедергі келтіретін жалғыз мәселе – өн­діріс учаскесінің тарлығы және шы­ғарылатын өнім түрінің аздығы. Алдағы уақытта бұл мәселенің шешімі табылары сөзсіз.

Әңгіме барысында кәсіпкердің қосалқы шаруашылықпен айна­лы­суды да дұрыс жолға қойға­ны­на көз жеткіздік. Ол былтыр “Баға­наты” жауапкершілігі шектеулі се­ріктестігін құрып, көкөніс өсіру мақсатында туған ауылының жа­нынан 40 гектар жерді жалға ала­ды. Он гектарына “Боливар F1” сұрыпты француздық сәбіз отыр­ғызған. Ала жаздай тамшылатып суару әдісін қолданудың арқасын­да күзде әр гектардан 55 тонна өнім алынған. Биыл сәбіз үш есе артық, яғни отыз гектарға отыр­ғы­зылды. Түркиядан серіктестіктің жұмысына қажетті заманауи тұ­қымсепкіш, сәбіз жинайтын ком­байн, “МТЗ-82.1” тракторын және Бағанаты ауылында екіқабатты ны­санды сатып алады. Алдағы жылы қосымша техника алып, кар­топ пен қызылша отырғызбақшы.

Әрине, күзде жиналған өнімді сақтайтын қойманың болмауы көп қиындық туғызып келген. Басқа амалы қалмағандықтан, Петро­павл қаласы мен Тайынша ауда­нындағы қоймаларды жалдауға мәжбүр. Ал өнімді шалғайдағы қой­маларға жеткізу кәсіпкер үшін тиімсіз, шығыны көп. Сондықтан серіктестік аумағында бір мың шаршы метрлік заманауи қойма тұрғызу жөнінде шешім қабыл­дап­ты. Қазіргі уақытта жұмысшы­лар нысанның іргетасын қалауда.

Тынымсыз еңбегімен абырой биігіне көтерілген кәсіпкердің бұ­дан да басқа ілкімді істері аз емес. Қоғамдық істерге де белсене ат­салысатын Нұрлан Ахмадиев Бәй­терек ауылында бір мың шаршы метрді құрайтын супермаркет пен аудан орталығында азық-түлік дүкенінің құрылысын бастамақ­шы. Бүгіндері жергілікті әкімдікпен келіссөздер жүргізіліп, қажетті жер­дің құжаттары ресімделген.

Қанат АТАМАНОВ,

“Soltústik Qazaqstan”.

Суретті түсірген

Амангелді БЕКМҰРАТОВ.