Брокколи қырыққабаты – ең пайдалы көкөніс. “Брокко” деген итальян сөзінен шыққан, бұта деген мағынаны білдіреді. Алғаш рет Ежелгі Римде жабайы қырыққабаттан өсірілген. Орта ғасырларда Францияда кеңінен танымал тағамға айналды. Кейін АҚШ-қа, Еуропа елдеріне тарады.
Өкінішке қарай, біздің елімізде брокколиді тағамға көп тұтына бермейді. Брокколидің құрамында калий, фосфор, кальций, магний, темір, мырыш, марганец, күкірт, С, В1, В2, В5, В6, РР, Е, К, А дәрумендері бар.
Ғалымдар брокколидің обырға қарсы емдік қасиеті бар екенін айтуда. Бұл көкөніс өзге де аурулардың алдын алуға көмектеседі. Әсіресе, жүрек сырқаты қаупін төмендетіп, ағзадағы зиянды заттарды сыртқа шығарады. Сондықтан брокколи өскіндерінен даярланған сусын ішу пайдалы. Сондай-ақ, сусамыр, аутизм сырқаттарының белгілерін бәсеңдете алады. Сұлулықты қалыптастыруда да оның пайдасы зор. Брокколи шашты, тырнақты нығайтады, әжімдердің алдын алады, демек кәрілікпен күреседі.
Диетолог ретінде адамдарға көкөністі жиі пайдалануға кеңес беремін. Ұзақ уақыт қайнатқанда ол пайдалы қасиеттерінен айырылады. Мүмкіндік болса буға пісіріп немесе шикі күйінде тұтынған жөн.
Юлия ПОДСКРЕБКИНА, диетолог.