Еліміздің Ата Заңы мерекесін облыстық ішкі істер департаменті де салтанатты түрде атап өтті. Бұл күні сегіз жас полицей Отанға адал қызмет етуге ант берді.
Мерекелік шара барысында Елбасының Жарлығымен “Қазақстан Республикасының Конституциясына 20 жыл” мерекелік медалімен марапатталған бес тәртіп сақшысына құрмет көрсетілді. Департамент бастығы Берік Біләлов осыдан жиырма жыл бұрын қоғам тыныштығын күзетуді мақсат тұтып, полиция қатарына келген қызметкерлерді де құттықтады.
(Өз тілшіміз).