«Тілбұзаризм» жалғыз қазақта емес, көбінде бар індет. Орыстар да, немістер де, француздар да зар жылап жүр. Ресейде «Русский лапоть» атты сыйлық қарастырылып жатыр. Ол сыйлықты («Орыс шатабасы») Черномырдин сияқты қалай болса, солай сөйлейтін «сөлкебайларға» бермекші. Біздің Мырқымбайларға да осы тақылеттес сыйлық керек-ақ. Министрлер мен депутаттарды, Президенттің маңайындағы білгіш-белсенділерді қазақша сөйлету керек. Сөйлей алмайды екен, кеуделеріне үлкендігі таба нандай «Сақау» орденін тағу керек. Бізде кедір-бұдыр, шұбар, қотыр сөйлеу дағдыға айналған. Оны көбінесе өзіміз сезбейміз. Тілді қор қылудың басы осы.
Герольд Бельгер,
жазушы.
(«Ақиқат», №10, 2014 жыл).