Жаз мезгілі – барлық қала тұрғындарының жағажайларға барып демалатын уақыты. Алайда Петропавлдағы демалыс орындарын алдымен қоқыстан тазарту керек. Осы сенбі күні қалалық жағажай мен Пестрое көлінің маңайын көріктендіру мақсатында сенбілік өтпек.
Демалыс орындарын қоқыстан тазарту шарасына қаламыздың белсенді жастары мен еріктілер және таза жағажайда демалғысы келетін тұрғындары қатысады. «Біз барлық қала тұрғындары мен жастарын сенбілікте белсенділік танытуға шақырамыз. Қазір суға түсу мезгілі болғандықтан жағажайымызды таза ұстауымыз керек. Осы сенбілікті өткізудегі мақсатымыз –әрбір қала тұрғынына, демалушыға табиғатты ластамауға шақыру.