Өңір полицейлері бір аптаның ішінде карантин талаптары 138 рет бұзылғанын анықтады. Тәртіп бұзушылықтардың дені облыс орталығына тиесілі. Санитарлық дәрігердің қаулысына сәйкес бірқатар нысандар демалыс күндері жұмысын тоқтатуға тиіс болғанымен, кей кәсіпкерлер бұл талапқа бағынбаған. Азық-түліктік емес тауарлар сататын бір дүкен жұмысын жалғастырғаны үшін оның иесіне қатысты “Әкімшілік құқық бұзушылықтар туралы” кодекстің 425-ші бабы бойынша материал жиналды. Тыйымға құлақ аспаған екі дәмхана иесі айыппұл төлемек. Сонымен қатар киім-кешек сататын дүкеннің иесіне қатысты да іс қозғалды.
Тәртіп сақшылары карантин талаптарын сақтамайтын тұрғындарға қатысты жұмысты да күшейте түсті. Сырқаттануына байланысты оқшаулануға тиіс қалалықтардың кейбіреуі тексеріс кезінде үйлерінде болмай шыққан. Кей тұрғындардың көшеде бей-берекет жүргені, отбасылық мерекелер өткізгені анықталды.
Нұрбек БАЕКИН,
облыстық полиция департаменті ішкі және сыртқы коммуникациялар бөлімінің инспекторы.
Сурет azattyq-ruhy.kz сайтынан алынды