Қызылжар өңірінде 1 қаңтардан бастап коммуналдық қызметтер тарифі арзандады.
Мәселен, жаңа жылдан бастап солтүстікқазақстандықтар үшін сумен қамту қызметінің ақысы орташа 8,6%, кәріз қызметінің құны 2,7% арзандаған. Тұрғындар үшін жылумен қамту, электр және газ жеткізу қызметтерінің бағасы да біршама түскен. Қатты тұрмыстық қалдықтарды тасып шығару қызметі, лифт шаруашылығына қызмет көрсету құны 5% төмендеген. Алайда, заңды тұлғалар үшін тариф өзгеріссіз қалдырылды.