ТАРИФ КӨТЕРІЛМЕЙДІ

Облыстың бірнеше коммуналдық қызмет көрсету мекемелері жергілікті бұқаралық ақпарат құралдары арқылы үстіміздегі жылдың 1 ақпанынан бастап тарифтің қымбаттайтынын хабарлаған болатын. Алайда Солтүстік Қазақстан облысы бойынша табиғи монополияларды реттеу және бәсекелестікті дамыту департаментінің мамандары қатты тұрмыстық қалдықтарды жинау, шығару және көму қызметі тарифінің көтерілмейтінін жеткізді. Департамент басшысының орынбасары Наталья Шаяхметова Қазақстан Республикасының “Бәсекелестік туралы” Заңының талаптарына сай қымбаттауға негіз жоқ екенін айтты.