ТЕЛЕФОНМЕН ҰСТАЛҒАНДАР ТЕСТІЛЕУДЕН ҚУЫЛДЫ

Ұлттық бірың­ғай тестілеудің бірінші кезеңі қорытындыланды. Биыл облыс мектептерін тамамдайтын 3276 түлектің 2074-і сынақтан өтуге өтініш білдірді.

Білім сынына қатысқандар үшін бес тест тапсыру пункті дайындал­ған. Олар М.Қозы­баев атындағы Сол­түстік Қазақстан университетін­де, Ақжар ауданындағы Талшық, Жам­был ауданындағы Пресновка, Ғабит Мүсірепов атындағы аудан­да­ғы Новоишимка және Айыртау ауданының орталығы Саумалкөл ауылдарында орналасқан. Сынақ өтетін орындарға бейнебақылау ка­мералары орнатылып, жемқорлық­тың алдын алу үшін әр аудитория­дан онлайн-көрсетілім жүргізілді. “Qyzyljar – adaldyq alańy” жобалық кең­сесінің қызметкерлері мен ар­найы мониторингтік топтың мүше­ле­рі сынаққа тәуелсіз бақылаушы ретінде қатысты. Сыбайлас жем­қор­лыққа қарсы іс-қимыл агенттігі об­лыстық департаменті маманда­ры­ның мәліметінше, төрт түлек ден­саулығына байланысты емтиханға қа­тыспаған. Ал Ұлттық бірыңғай тес­тілеуді тапсыру ережелерін бұз­ғаны үшін 12 адам залдан шыға­рылған. Олардың көбі ұялы теле­фон пай­даланғаны үшін жаза­ланған.
Алғашқы сынақты М.Қозыбаев атындағы Солтүстік Қазақстан уни­верситетінде тапсыруға 1409 оқу­шы өтініш білдірсе, соның 1377-сі ғана қатысқан. Қабылдау комис­сия­сының жауапты хатшысы Ирина Го­лодова алғашқы сынақтың үш ке­зең бойынша өткенін айтты. Бірінші кезеңде үміткерлер жинаған ең жоғары балл 126-ны, екінші кезеңде 121-ді құраса, үшінші кезеңде 129 балға дейін жоғарылаған. Бірақ 305 бала шектік ұпайды жинай алмаған. Олардың арасында химия-био­логия, физика-матема­ти­ка, математика және география пән­дерін таңдағандардың үлесі басым.
Емтихан қорытындысы бойын­ша, түлектер жоғары оқу орында­ры­на ақылы түрде түсе алады. Келесі сынақ наурыз айында өтеді.

Орынбасар ТӨЛЕПБЕРГЕНҚЫЗЫ, “Soltústik Qazaqstan”.