Тиін – епті, жеңіл қимылдайтын әрі жақсы өрмелейтін және талдан-талға оңай секіретін омыртқалы жануар.
Емен, грек, бадам (миндаль), орман жаңғақтарымен, гүлдің қауызымен, саңырауқұлақпен, ағаш қабықтарымен жәндіктермен қоректенеді. Дене тұрқы – 16-28 см., салмағы – 450-600 гр. Түсінің үстіңгі бөлігі ақшыл сұр не жирен, қоңыр, ал астыңғы бөлігі толығымен ақ, үлпілдек, қалың жүнді, құйрығы ұзын (23 см-ге дейін) болып келеді. Артқы аяқтары ұзынырақ және мықты болған соң ағаштан-ағашқа 10-12 метрге дейін секіре алады. Мұншалықты ұзындыққа секіруге оның үлпілдек құйрығы көмектеседі. Көздері ірі және жылтыр болып келеді. Орташа өмір сүру уақыты – он жыл.