17 қыркүйектен бастап облыстың әкімшілік полицейлері “Түнгі қаладағы балалар” республикалық жедел-алдын алу іс-шарасын өткізуде. Оның мақсаты – кәмелетке толмағандардың арасындағы қылмыстардың жолын кесу.
Осындай жедел жұмыстың нәтижесінде іс-шара басталған күннен былай 216 жасөспірім қолға түсті. Солардың 102-сі – әкімшілік құқық бұзғандар.
Аумақтық ішкі істер органдарының қызметкерлері шара барысында 70 жасөспірімді және 59 қолайсыз отбасын анықтап, тіркеуге қойды.
Юрий КЛЫКОВ,
облыстық ішкі істер департаменті
баспасөз қызметінің инспекторы.