2015 жылы қазақтың бірталай тұғыры бөлек тұлғаларының мерейтойлары атап өтілмек.
2015 жылы – қазақтың ұлы ақыны, ойшылы Абай Құнанбаевтың (1845-1904) өмірге келгеніне 170 жыл. Ол бүгінгі Шығыс Қазақстан облысының Абай ауданындағы Жидебай елді мекенінде туып, сонда өмірден өткен.
Атап айтқанда, үстіміздегі жылы қазақтың тұңғыш ағартушысы, ғалымы, әдебиет зерттеушісі, жиһангезі, этнографы Шоқан Уәлихановтың (1835-1865) туғанына 180 жыл толады.
Ол өңіріміздің Айыртау ауданындағы Сырымбет елді мекенінде туып, Алтынемел жотасының етегіндегі Тезек төре ауылында небары 30 жасында қайтыс болған.
1900 жылы Ақжар ауданындағы Жарқын ауылында мемлекет және қоғам қайраткері, жазушы, көсемсөзші Смағұл Садуақасов өмірге келіп, 1933 жылы қайтыс болған.
Үстіміздегі жылы ұлы жерлесіміздің бірі, аса көрнекті қаламгер, академик Сәбит Мұқановтың (1900-1973) туғанына 115 жыл толады.
Қазақтың әйгілі ғалымы, академик Евней Арыстанұлы Букетов 1925 жылы Шал ақын ауданындағы Бағанаты ауылында туған. Оның туғанына биыл – 90 жыл. Ғалым-жерлесіміз 1983 жылдың 13 желтоқсанында өмірден озған.
(Өз тілшіміз).