Коронавирус инфекциясының таралуына жол бермеу жөніндегі шаралар шеңберінде жекелеген ұйымдардың қызметі шектелді.
Мұндай жағдайларда еңбек заңнамасында толық емес жұмыс уақытын енгізуді, қашықтан жұмыс істеу тәртібін белгілеуді, жұмыстың тоқтауы, жұмыстан қысқарту және т.б. шараларды қоса алғанда, қызметкерлердің еңбек қызметін жүзеге асыру үшін түрлі тетіктер қарастырылған.
Коронавирус инфекциясының алдын алу шараларын жүргізу кезінде жұмыстан заңсыз босатылған немесе еңбек құқықтары бұзылған жағдайда қызметкерлер Солтүстік Қазақстан облысы әкімдігінің мемлекеттік еңбек инспекциясы басқармасының 8 (7152) 50-33-42 сенім телефонына немесе ұйымның атауын және байланыс деректерін көрсете отырып, inf.git@sko.kz электронды мекенжайына өтініш жібере алады.
Жұмыс берушілерді өз қызметкерлерінің алдында әлеуметтік жауапкершілік көрсетуге және еңбек заңнамасының қатаң сақталуын қамтамасыз етуге шақырамыз.
Солтүстік Қазақстан облысы әкімдігінің
мемлекеттік еңбек инспекциясы басқармасы.