Биылғы көктемгі егіс жұмыстарына агроқұрылымдарға 380 мың тонна жеңілдетілген жанар-жағармай бөлінді.
Энергетика министрлігі жанар-жағар майдың 1 литрінің құнын 160 теңге көлемінде белгілеген. Жеткізу шығыны ескеріле отырып, өңірлерде оның литрі 176 теңге болатыны болжануда. Бұл нарықтағы бағадан 10 пайызға арзан екенін айта кету керек. Ал бүгінгі күні еліміздің оңтүстігіндегі Алматы, Жамбыл, Қызылорда, Түркістан облыстарында көктемгі егіс науқаны басталып та кетті.