Танымал неміс футболшысы Месут Озил қайырымдылықпен айналыспақ. Бұл туралы “Арсенал” футбол клубының жартылай қорғаушысының агенті Эркют Согют хабарлады. Оның мақсаты – 1 мың баланың отбасына және 100 мың баспанасы жоқ адамға қолдау көрсету.
Кәсіпқой футболшы кедей отбасында дүниеге келген. Анасы еден жуушы болған, өзі де еңбекке ерте араласқан. Сондықтан спортшы былтырғы әлем чемпионаты барысында осындай шешімге келген.
Бір атап өтерлігі, ол былтыр Түркия мен Сирия елдеріндегі баспанасыз қалған 100 мың адамға көмек қолын созған екен.