Төтенше жағдайлар қызметі Ғабит Мүсірепов атындағы ауданда қайырымдылық шарасын өткізді.
Құтқарушылар көпбалалы және аз қамтылған 10 отбасыға түтін иісі пайда болғанда белгі беретін құрылғыларды тегін орнатып берді. Биылғы жылыту маусымы басталғалы 4 адам пештен шыққан газдан уланған екен. Сондықтан қыс мезгілінде әсіресе жеке секторда осындай қайғылы оқиғалардың алдын алу шараларына көбірек көңіл бөлінуде.