Солтүстікқазақстандық полицейлер заңсыз сақталып келген қару-жарақ пен оқ-дәріні сатып алу бойынша өткен акцияны қорытындылады.
1 шілдеде басталған акцияға өтінімдер онлайн режімде қабылданды. Өтініш берушілер тәртіп сақшыларымен қаруды тапсыру сәтінде ғана кездесті. Тәртіп сақшылары барлық санитарлық нормаларды қатаң сақтай отыра, мекенжайларға барып, қаруды қабылдап алды және санатын анықтау үшін сараптамаға жіберді.
Акция басталғаннан бері облыс бойынша барлығы 47 өтініш келіп түсіп, осынша қару тапсырылды. Оның басым бөлігін, яғни 13 қаруды Мағжан Жұмабаев аудандық полиция бөлімі қабылдаған. Петропавл қалалық полиция басқармасының қызметкерлері 12 ату құралын қабылдады. Қару тапсырғандарға сыйақы төлеу үшін материалдар облыстық полиция департаментінің қаржымен қамтамасыз ету басқармасына жіберілді.
Ерікті түрде тапсырылған қарудың қылмысқа қатысы болмаса, оны заңсыз сақтағаны үшін адамдар қылмыстық және әкімшілік жауапкершілікке тартылмайды.
Юрий КЛЫКОВ,
облыстық полиция департаменті ішкі және сыртқы коммуникациялар бөлімінің жетекші маманы.