«Soltüstık Qazaqstan»

PDF

ҚАСИЕТТІ БОРЫШ

Облыстық қорғаныс істері жөніндегі департаменттің мамандары “Абылай ханның резиденциясы” мұражай-кешенінде мектеп оқушыларымен кездесу ұйымдастырып, өскелең ұрпаққа Отан қорғаудың маңыздылығы жайлы әңгімеледі.

Шараға облыстың он ауданынан жалпы білім беретін мектептердің 10-11-сынып оқушылары және алғашқы әскери дайындық оқытушылары қатысты. Болашақ Отан қорғаушыларға Қарулы Күштердің ардагерлері – отставкадағы полковник Валерий Орлов пен Виктор Кривошеев әскер қатарында қызмет етудің маңызы туралы айтып берді.

Шара барысында сөз алған облыстық қорғаныс істері жөніндегі департамент бастығының тәрбие, идеологиялық және әскери-патриоттық жұмыстар жөніндегі орынбасары, подполковник Дәулет Толыбай әр жасөспірім туған жерінің, Отанының тарихын білуі керек екенін тілге тиек етті.

Айман ӘБЖАПБАРОВА,

облыстық қорғаныс істері жөніндегі департаменттің баспасөз қызметінің басшысы.

Әлеуметтік желілерде бөлісіңіз:

Share on facebook
Facebook
Share on telegram
Telegram
Share on whatsapp
WhatsApp