Футболдан ел біріншілігінің 16-шы турында жергілікті “Qyzyljar” өз алаңында оралдық “Ақжайық” клубын қабылдады. Тартысқа толы кездесу қонақтардың пайдасына шешілді.
Ойынның бірінші бөлігінде қызылжарлықтар қауіпті шабуылдар ұйымдастырды. Алайда оралдық қорғаушылар есеп ашуға мүмкіндік бермеді. Екінші таймда жерлестеріміз белсенділіктерін бәсеңдетпей, қарсылас қақпашысын біраз әбігерге салды. “Ақжайық” ойыншылары да қарап қалмай, қарсы шабуылға көшіп, ойынның 50-ші минутында Иван Антипов нысананы дәл көздеді. 0:1 есебі матч соңына дейін өзгеріссіз қалды.
“Qyzyljar” клубы турнир кестесінде бір сатыға төмендеп, 6-орынға жайғасса, “Ақжайық” 4-ші орынға тұрақтады.
Аманжол НҰРТАЗИН,
“Soltüstık Qazaqstan”.