Қос аққу келтіреді көлдің сәнін
Қатар жүзіп айдынын қиқулатса,
Бәйшешек келтіреді жердің сәнін,
Айналаны әдемілікпен бір құлпыртса,
Қос жүрек – домбыраның қос пернесі,
Бірінсіз шықпайды ғой жақсы үні,
Қос арман ақ шамдай боп жарқыраса,
Ашық болар аспаны, арай күні.
Көп тілек айтылар-ау осы кеште,
Бала кез, дос-құрбылар түседі еске,
Жолдарын тауып қазір кетіп жатыр,
Бақыт тілейін бәріңе, осы көпке,
“Бақытты бол” –, дей бергенде алдымда
Асуы биік тау тұрады,
Алаулаған таң тұрады,
Дақ шалмаған ар тұрады,
Бір-бірінсіз аттап, аяқ баспайтын
Жүрек бірге, арман бірге жан тұрады.