Мағжан Жұмабаев ауданының прокуроры Арман Нұртазин Полудино балалар үйінің тәрбиеленушілерімен кездесті. Бұл шараның негізгі мақсаты кәмелетке толмаған балалардың құқықтарын қорғау және өмір сүру жағдайын жақсартуға ықпал ету болып табылады.
Кездесу барысында жетім және ата-ана қамқорлығынсыз қалған балаларға құқықтық тәрбие беретін және көңіл-күйлерін көтеретін түрлі іс-шаралар өткізілді. “Қуантсаң, баланы қуант” демекші, оларға қайырымдылық ретінде кеңсе және спорт жабдықтары табыс етілді.
(Өз тілшіміз).