5-6 қыркүйек күндеріне «Қазгидромет» мамандары ескерту жариялады. Оңтүстіктен келген циклонның әсерінен қатты жел тұрып, жауын-шашын болуы мүмкін. Кей жерлерде нөсер жаңбыр жауып, найзағай ойнайды, дауыл тұрады. Солтүстік-шығыстан соғатын желдің екпіні секундына 15-20, кей жерлерде 23-28 метрге дейін күшейеді.
Жалпы қыркүйек айында ауа райы құбылмалы болады деп күтілуде. Ауаның орташа температурасы +10-+11 градус болмақ деп болжанып отыр.
Бірінші онкүндікте ауа температурасы +10 градусқа дейін төмендесе, ал екінші және үшінші онкүндіктің соңына қарай күн жылынып, +28 градусқа дейін көтерілуі мүмкін. Жауын-шашынның айлық мөлшері – 25-34 мм. Бірінші және екінші онкүндіктің ортасында кей жерлерде шығыстан соғатын желдің екпіні секундына 15-20 метр болмақ. 2003 жылы 3 қыркүйек күні өңірімізде ауа температурасы +34 градусқа дейін көтеріліп, аптап ыстық болған екен.