Келесі жылдың қаңтар, ақпан айларында бұқаралық ақпарат құралдарында Ұлттық бірыңғай тестілеудің ашықтығын қамтамасыз ететін ұсыныстар жарияланады. Бұл туралы республикалық тамыз конференциясына қатысқан Премьер-Министрдің орынбасары Бердібек Сапарбаев мәлім етті.
“Ұлттық бірыңғай тестілеуге байланысты мәселе көп. Министрлік тестілеу ойдағыдай өтті, оқушылардың білім деңгейі жақсы деп есеп берді. Бірақ, бәрібір арыз-шағым азайған жоқ. Білім басқармалары, мектеп директорлары мен әкімдіктер статистиканың соңына түсіп, ҰБТ-ға барынша көп оқушы қатысса және жоғары балл жинаса болды дейді. Бірақ, бұл дұрыс емес”, – деді Б.Сапарбаев.