Петропавлда құрбысының құжаттары арқылы оның атынан несие алған бойжеткен ұсталды.
19 жастағы күдікті құрбысының ашық жерде жатқан құжаттарын пайдаланып, интернет арқылы микрокредиттік ұйымнан 22 мың теңгенің несиесін рәсімдеген. Кейін өзінің туған-туыстары ақша жіберуі үшін оның банк картасының нөмірін сұраған. Құрбысынан мұндай әрекетті күтпеген зардап шегуші еш нәрседен күдіктенбей, картасына түскен ақшаны алып берді. Ал қарызды төлеу керектігі көрсетілген хабарламалар келе бастағанда алаяқтың ісі әшкере болды.