Аққайың ауданында биыл 127 түлек мектеппен қоштасты. Оның ішінде 87 бала ҰБТ тапсырды. Білім сынынан сүрінбей өтіп, оқу озаты, “Алтын белгі” иегерлері атанған және жоғары балл жинаған 30 оқушы сый-сияпатқа ие болды.
Мектепті үздік тамамдаған түлектер мен “Алтын белгі” иегерлерін аудан басшылығы Алғыс хатпен және ақшалай сыйлықпен марапаттады. Балаларына үлгілі тәрбие берген ата-аналарға да құрмет көрсетілді.
Үздік түлек атанғандардың бірі – Альмира Амантаева. 11 жыл үздік оқып, мектепті “Алтын белгіге” бітірген ол М.Қозыбаев атындағы СҚУ-ға “қаржыгер” мамандығына оқуға түспек.
– ҰБТ-ға дайындалғанда сәл қобалжыдым, уайымдадым. Бірақ ата-анам қолдау көрсетті. Сонымен қатар ұстаздарымыз тестілеуге жақсы дайындады, – дейді Альмира Амантаева.
Жансая ҚАЙЫПОВА.