Әлеуметтік желілерде Петропавл қаласында жүк көлігінің тұрғын үйге соғылғаны бейнеленген фото және бейнежазбалар тарады.
Облыстық полиция департаменті баспасөз қызметінің мәліметінше, Ойқала шағынауданында “КамАЗ” жүк көлігінің жүргізушісі рөлге ие бола алмай қалып, Потанин көшесінің бойындағы ешкім тұрмайтын үйлердің біріне соғылған. Оқиға салдарынан 69 жастағы жаяу жүргінші дене жарақатын алып, ауруханаға жеткізілді. Ал жүргізуші медициналық куәландыруға жіберілді, нәтижесі бойынша шара қолданылады.