Солтүстікқазақстандық балуан Аманғали Бекболатов әлем чемпионатынан жеңіспен оралды.
Румыниянда өткен әлем чемпионатынан қола медаль тағып қайтқан Аманғалиды жерлестері вокзалда қарсы алды. Чемпионатта ол 55 кг дейінгі салмақта өнер көрсетті. Алғашында Индия мен Украинаның балуандарымен белдесіп, жеңіске жеткен жерлесіміз, өкінішке қарай, жартылай финалда Ресей балуанынан жеңіліп қалған екен. Бұған дейін ол әскерилер арасында өткен әлем чемпионатынан да жүлдемен оралып, халықаралық дәрежедегі спорт шебері атағын иеленген. Енді спортшы алдағы жылы Астанада өтетін Әлем біріншілігіне қатысуды жоспарлап отыр.