Солтүстікқазақстандық диқандар майлы дақылдар алқаптарынан 931 мың тонна өнім жинады.
Облыста биылғы көктемде егіс алқаптарын әртараптандыру белсенді жүргізіліп, 1 млн.гектарға жуық аумақта рапс, зығыр, күнбағыс өсірілді. Бидайға қарағанда бағасы қымбатырақ болғандықтан, майлы дақылдар өсірген агроқұрылымдар биылғы күзде мол табысқа ие бола алады. Қазір ішкі нарықта рапстың 1 тоннасы 133 мың теңге, зығырдікі – 105 мың теңге, күнбағыстың бағасы 115 мың теңгеге жеткен көрінеді.