Облыстық балалар мен жасөспірімдер шығармашылығы орталығында дәстүрлі қолөнер көрмесі өтіп, өнерлі өрендердің қолынан шыққан бұйымдар көпшілік назарына ұсынылды. Өңірдің барлық ауданынан жиналған оқушылар мен студенттер көрмеге 100-ден астам туынды қойды.
Көрме ұйымдастырушыларының айтуынша, шараға 14- 17 жас аралығындағы жастар қатысқан. 7 аталым бойынша барлығы 102 жұмыс қазылар алқасының қарауына ұсынылған. Оның ішінде ағаш, темір өңдеу, ұлттық бұйымдар, дизайн жасау, терімен, матамен жұмыс сияқты аталымдар бар.
– Біз еңбек сабағында ағашпен жұмыс істеуді үйренеміз. Ұлдар да, қыздар да түрлі дағдыларды меңгереді. Бұған дейін құс ұяларын, орындықтар мен үстелдер, шахмат тақталарын жасадық. Өзіме ағаштан түрлі заттар жасаған ұнайды. Бүгінгі көрмеге ағаш үстел алып келдім. Оны дайындауға 2 күнімді арнадым, – дейді Тимирязев ауданынан келген қатысушы Бақтияр Қайыргелді.
Рабиға ЕРАЛЫ,
«Soltüstık Qazaqstan».