Өңірдің өсімдік пен мал шаруашылығы салаларында өткен он айда 4569 жұмыс орны ашылыпты. Әсіресе, Қызылжар, Шал ақын, Мағжан Жұмабаев, Аққайың аудандарының белсенділігі жоғары. Ал нәтижелі жұмыспен қамтуды және жаппай кәсіпкерлікті дамытудың 2017–2021 жылдарға арналған «Еңбек» мемлекеттік бағдарламасы аясында үстіміздегі жылдың соңына дейін жоспарға сәйкес 1083 жұмыс орнын ашу көзделіп отыр.
Өңірдің өнеркәсіп саласында да бұл жағдай тұрақты көрінеді. Жыл басынан бері өнеркәсіптің түрлі саласында 12642 адам еңбек етіп жүр. Жоспарға сәйкес үстіміздегі жылы 16,8 млрд. теңгенің 5 жобасы жүзеге асырылса, 465 жұмыс орны ашылады деп күтілуде.