Soltüstık Казахстан
Азамат ШӘРІПОВ,
Аудандық мәдениет, тілдерді дамыту, дене шынықтыру және спорт бөлімінің спорт бойынша бас маманы, “Нұр Отан” ХДП “Жас Отан” аудандық
жастар қанатының атқарушы хатшысы.
Булаеводағы №2 мектептің жанындағы алаңда “Нұр Отан” ХДП кубогы үшін қаланың кәсіпорындары мен ұйымдары қызметкерлерінің арасында шағын футболдан жарыс өткізілді. Жарысқа 6 команда қатысты.
Қызу ойынның нәтижесінде 3-орын үшін ішкі істер бөлімі және Батыр Баян атындағы мектеп-гимназия командасы кездесті. Ойын өте тартымды өтіп, мектеп-гимназия командасы 1:0 есебімен 3-орынды олжалады.
Ақтық ойында орталық аудандық аурухана командасы мен Ұлттық қауіпсіздік комитеті департаменті аудандық бөлімінің және “Вести” ЖШС-нің құрама командасы кездесті. Соңғысының асығы алшысынан түсіп, 2:0 есебімен таза жеңіске жетті. 2-орынға орталық аудандық аурухана ұжымы ие болды.
Жеңімпаз атанған “Вести” ЖШС және ҰҚКД аудандық бөлімінің құрама командасына кубок, ақшалай сыйлық табыс етілді. Аудандық аурухана және Батыр Баян атындағы мектеп-гимназиясының командаларына да дипломдар мен ақшалай сыйлық берілді.
Мағжан Жұмабаев ауданы.