Soltüstık Казахстан
Семей қаласында қыздар арасында өткен еркін күрес бойынша Қазақстан Республикасының кубогында жас жерлестеріміз – спортқа дарынды балаларға мамандандырылған мектеп-интернат тәрбиеленушілері жеңістің биік тұғырына көтеріліп, 4 медальды еншілеп қайтты. Облыс құрамасы байрақты жарыста жалпыкомандалық екінші орынға тұрақтады.
Еліміздің түкпір-түкпірінен жиналған спортшылары тартысты өнер көрсеткен сайыста жергілікті спортшыларымыздың аталған спорт түріндегі жеңістері мақтануға тұрарлықтай. Атап айтқанда, 48 кило салмақ дәрежесінде Гүлмира Ысқақова – екінші, Айдана Өтеғұлова – үшінші, 51 кило салмақта Кристина Яловенко екінші орынды жеңіп алса, Джулия Саттымбекова 58 кило салмақта үшінші орынға тұрақтады. Енді балғын спортшылар еркін күрестен өтетін Азия чемпионатына қатысуды жоспарлауда.