Soltüstık Казахстан
Жексенбі күні Қазақстанның 11 өңірінің 45 сайлау округінде шығып кеткен депутаттардың орындарына сайлауы өтті. Округтерде депутаттыққа үміткер болып 112 адам тіркелген болатын. Олардың 48-і – Қазақстан Республикасы саяси партияларының мүшелері, 52-сі – партияда жоқтар, ал 12-сі – қандай партияға жататынын көрсетпегендер. Сайлау қорытындысы бойынша 10 облыстық, 8 қалалық, 27 аудандық мәслихаттардың депутаттары сайланды.
Сайланған мәслихат депутаттарының құрамы:
“Нұр Отан” ХДП мүшелері – 42 (93,3%)
ҚХКП мүшелері – 1 (2,2%)
партияда жоқтар – 2 (4,4%)
ер адамдар – 41 (91,1%)
әйелдер – 4 (8,9%)
Солтүстік Қазақстан облысында Аққайың және Тайынша аудандарында сайлау өтті.
Аққайың ауданы мәслихатының депутаты болып 1960 жылы туған, “Жалпы үлгідегі қарттар мен мүгедектерге арналған Смирново интернат-үйі” КММ директоры, “Нұр Отан” ХДП мүшесі Еркін Жақыпов сайланды.
Тайынша ауданы мәслихатының депутаты болып 1976 жылы туған, “Тайынша – 2006” ЖШС элеваторының директоры, “Нұр Отан” ХДП мүшесі Нұрбек Өтегенов сайланды.
(Ресми ақпарат).