Soltüstık Казахстан
Kyzylzhar_akparat@mail.ru
Фототілшіміз Амангелді Бекмұратовтың мына суретінде Н.Погодин атындағы облыстық орыс драма театрында өткен “Туған жер” би ансамблінің концертінен көрініс бейнеленген. ҚР мәдениет қайраткері Михаил Лахтиннің өнер ұжымы кеште қазақ, өзбек, тәжік, орыс билерін орындады. Би кешіне келген өнерсүйер қауым ерекше рухтанып, шабыттанып қайтты. Жергілікті тұрғындарға концерттің ұнағаны соншалық – орындалған әрбір биге дуылдата қол шапалақтап, сахнадан біразға дейін жібермей тұрып алды. Әсіресе, көрермен қауым “Қара жорға” биін зор ықыласпен қабыл алды.
Өнер ұжымы Қазақстан Республикасының Тұңғыш Президенті күніне орай Астанада концерт бермек. Мереке алдындағы өз театрымызда болған концертке келген қауым би ұжымының сый-тартуына риза болды.