Soltüstık Казахстан
Солтүстік Қазақстан облысы әкімінің өкімімен Владимир Сергеевич Дудов СҚО әкімі аппаратының басшысы болып тағайындалды.
В.С.Дудов Абай Мырзахметов атындағы Көкшетау университетін тамамдаған, заңгер мамандығы бар.
Ғабит Мүсірепов атындағы аудан әкімі аппаратының бас маманы, ұйымдық-бақылау және кадрлық жұмыс бөлімінің бастығы болып істеді.
2009 жылы СҚО әкімінің бас инспекторы болып тағайындалды.
2010-2011 жылдары СҚО әкімі аппараты басшысының орынбасары болды.
2011-2012 жылдары ҚР Президенті Әкімшілігінің Мемлекеттік бақылау және ұйымдық-аумақтық жұмыс бөлімінің инспекторы, бас инспекторы қызметтерін атқарды.
2012 жылдың қарашасынан осы тағайындауға дейін ҚР Президенті Әкімшілігі Мемлекеттік бақылау және ұйымдық-аумақтық жұмыс бөлімінің мемлекеттік инспекторы болып істеді.
СҚО әкімінің баспасөз қызметі.