Soltüstık Казахстан
Сәуірдің 10-ы күні облыс орталығының Интернационал көшесіндегі “Биғайша” сауда үйінде топырақтың көшкінінен бөлмеаралық қабырғаға сызат түскен.
Оқиға орнына жеткен жергілікті әкімдік, прокуратура, ТЖД, ІІД және қалалық сәулет-құрылыс бөлімінің қызметкерлері төтенше жағдаймен танысты. Құтқарушылар сауда үйінен 36 адамды қауіпсіз жерге жеткізді.
Белгілі болғанындай, ғимараттың кірпіш тіреулерінің үстіңгі бөлігі біршама зақымданған. Бұл өз кезегінде еден асты плитаның бұзылып, нәтижесінде қабырғада жарықшақтың пайда болуына әкеп соққан.
Оқиға орнын зерттеген қалалық сәулет-құрылыс бөлімінің қызметкерлері ғимараттың құлау қаупі жоқ екенін анықтады. Қазіргі уақытта сауда үйі күнделікті қалыпта жұмысын жалғастыруда.
СҚО ТЖД-нің баспасөз қызметі.