Soltüstık Казахстан
Петропавлда өз әкесін ұрып өлтірген 27 жастағы ер адам ұсталды.
17 сәуір күні түнгі сағат үште СҚО ІІД-нің Жедел басқару орталығына Жұмысшы кентінің Мопровская көшесі бойында орналасқан бір үйде 51 жастағы ер-азаматтың мезгілсіз қайтыс болғандығы туралы ақпарат келіп түскен. Қалалық ІІБ-нің тергеу-жедел тобы аталмыш мекенжай бойынша келіп, марқұмның жақын арада зайыбымен және 27 жастағы баласымен бірге арақ ішкенін білген. Полицейлер келген кезде соңғы екеуі мас болған. Сұрастырудан соң бірлесіп арақ ішу кезінде ерлі-зайыптылар арасында жанжал туындағаны анықталды. Соның салдарынан баласы анасына болысып, әкесін арқасынан періп қалған. Соққы алған үй қожайыны өзін нашар сезініп, есінен танған.
Қазір күдікті уақытша оқшаулағышта қамауда отыр. Қылмыстық іс қозғалды. Сараптама жүргізілуде.
СҚО ІІД-нің баспасөз қызметі.