Soltüstık Казахстан
27 маусым күні 15 сағат 43 минутта “101” телефонына облыс орталығының өнеркәсіп аймағында орналасқан бос ағаш қоймалардан өрт шыққандығы туралы жедел хабар келіп түсті. Ол “Орбита” РМК-ның №2 “Резерв” филиалы аумағында қараусыз қалған нысандар екен. Ондағы өртті бұғалықтауға Петропавл қаласындағы “Өрт сөндіру және апаттан құтқару жұмыстары” МБ-нің 10 өрт сөндіру машинасы мен 96 жасағы, “Қызылжар Су” АҚ-ның 5 автоцистернасы мен Петропавл темір жол станциясының өрт сөндіру пойызы жұмылдырылды. Аталмыш аумақта өткен ғасырдың 40-50 жылдары салынған 3 қойма жанып жатқан болып шықты, өрттің жалпы аумағы 3600 шаршы метрді құрайды.
Үш сағаттың ішінде өрт ошақтары оқшауланып, 23 сағат 24 минутта жалын толығымен сөндірілді.
Кісі өлімі мен зардап шеккендер жоқ. Өрттің себебі мен келтірілген зияны анықталып жатыр.
СҚО ТЖД-нің баспасөз қызметі.