Soltüstık Казахстан
Kyzylzhar_akparat@mail.ru
Айбек ХОРШАТ,
Ақжар аудандық Ішкі саясат бөлімінің басшысы.
Горьковское ауылында 200 орынға шақталған жаңа стадион салтанатты түрде ашылып, онда аудандық “Ақ бидай – 2013” жазғы спорт ойындарынан жарыс өтті. Спорттық сайыстарға ауданның 24 ауылдық округі мен Талшық ауылынан 200-ден астам спортшы қатысып, спорттың 10 түрінен сайысты.
Екі күндік жарыстың қорытындысы бойынша жалпыкомандалық есепте жүлделі 1-орын алаң иелері – Горьковское ауылдық округінің командасына бұйырды. Ұпай жағынан сәл арта қалған Восход ауылдық округінің командасы – 2-орында, ал қулы-көлдік спортшылар 3-орынға жайғасты.
Жарыстан кейін жеңімпаздар медальдармен және дипломдармен марапатталды.