Soltüstık Казахстан
Облыс кәсіпорындарының 2012 жылғы инновациялық белсенділігі 10,4%-ды құрады.
2012 жылдың қорытындысы бойынша облыстың 947 кәсіпорындарының инновациялық қызметіне статистикалық байқау жүргізілді. Есепті кезең ішінде 98 шаруашылық жүргізуші субъектісі технологиялық инновацияларға ие болды (2011 жылы – 11 кәсіпорын).
Инновациялық өнімнің көлемі 6 098,3 млн. теңгені құрады, инновациялық сипаттағы қызметтер 37 млн. теңгеге көрсетілді. Өндірістік кәсіпорындардың өткізілген инновациялық өнімдері арасында қайта енгізілген немесе елеулі технологиялық өзгерістерге ұшыраған өнімдердің үлес салмағы едәуір – 85,1%, жетілдірілген өнімдер 3,8 және басқа инновациялық өнімдер 11,1% құрады.
Талдау кезеңі ішінде технологиялық инновацияларға жұмсалған күрделі және ағымдағы шығындар 13 985 млн. теңгені құрады (2011 жылы – 184,9 млн. теңге). Сонымен қатар технологиялық инновациялармен байланысты машиналар мен жабдықты сатып алуға шығындар 69,6%, жаңа өнімдерді, өндірістік үдерістерді зерттеуге және әзірлеуге 18,7% бағытталды.
Инновациялық жобаларға инвестиция салудың негізгі үлесіне кәсіпорындардың меншікті қаражаты – 50,4%, кредиттер мен қарыздарды алу арқылы 39,4% жатады.
Облыстық Статистика департаменті.