Soltüstık Казахстан
Астана қаласында конькимен сырғанау спортынан ҚР кубогы үшін жарыс өз мәресіне жетті. Байрақты додада өңір намысын қорғаған жерлес конькишілер облыс қоржынына әртүрлі деңгейдегі 7 жүлде салды.
Сайыстың қорытындысы бойынша “Қарасай” жоғары спорт шеберлігі мектебінің тәрбиеленушілері Артур Сергиенко мен Елена Урванцева 3000 метр қашықтықта үздік болып, алтын медальға қол жеткізді. Сондай-ақ Елена 1500 метр қашықтықта 3-орынға ие болды. Ал 1000 және 1500 метр жарыс жолында Татьяна Сокирко 2 бірдей күмісті ұтты. 1,5 және 3 шақырымда сынға түскен Иван Аржаников қола медальдарды жеңіп алды.
Аталмыш додада Артур Сергиенко мен Иван Аржаников халықаралық дәрежедегі спорт шебері нормативін орындады.
Облыстық Дене шынықтыру және спорт басқармасының баспасөз қызметі.