ТҮРКІСТАННАН – ТӨРТ МЕДАЛЬ

Түркістан қаласында еркін күрестен Қазақстан біріншілігі өтті. Сайыс барысында жеңістің биік тұғырына көтерілгендер қатарында солтүстікқазақстандық балуандар да болды.
Атап айтар болсақ, әртүрлі салмақ дәрежесінде Нұрқожа Қайпанов (59 кг.) пен Досын Ержан (53 кг.) қарсыластарын тізе бүктіріп, алтыннан алқа тағынды. Ересен Қайыргелдинов (73 кг.) – күміс, ал Сәбит Төлегенов (47 кг.) қола медальға ие болды.
Жеңімпаздар – спортқа дарынды балалардың облыстық мектеп-интернатының тәрбиеленушілері. Спортшыларды ел біріншілігіне Орынбек Балағанов дайындаған.