Soltüstık Казахстан
Құрметті солтүстікқазақстандықтар!
Облыстық гидрометеорологиялық орталықтың мәліметтері бойынша 19 желтоқсанда тәулік бойы облыс аумағында қар жаууы, боран болуы, оңтүстік-батыстан соққан желдің 15-20 м., кей жерлерде секундына 30 метрге дейін күшеюі, ұйытқуы күтілуде.
Осыған байланысты облыстық Төтенше жағдайлар жөніндегі департамент халықтың қалыпты тіршілік әрекетін қамтамасыз ету және төтенше жағдайдың алдын алу үшін шара қабылдауды ұсынады:
– өз әрекетіңізді көбінесе жылы бөлмелерде ұйымдастырыңыз;
– балаларды ерекше бақылауға алыңыз;
– елді мекендерден шығуға шектеу қойыңыз;
– автокөлікте алыс сапарға шығуды шегере тұрыңыз;
– осы ақпаратты көршілеріңізге жеткізіп, науқастар мен кәрілерге көмек көрсетіңіз.
Бірыңғай кезекші-диспетчерлік қызметтің 112 телефоны тәулік бойы жұмыс істейтінін еске саламыз. Төтенше жағдай мен оқиғаның қаупі туындаған жағдайда осы нөмірге хабарласуға болады.